လႆႈပိူတ်ႇပၢင်သွၼ်ပၼ်လုၵ်ႈဢွၼ်ႇတႆးႁဝ်းၼင်ႇႁိူဝ်တေၶိုၼ်ႈယႂ်ႇၶိုတ်းလုမ်ႈၾႃႉၼၼ်ႉ ၸဝ်ႈၶူးလူင် ႁဝ်းၶႃႈဢိၵ်ႇပႃး
မေႃသွၼ်ၶဝ် လႆႈၸတ်းႁဵတ်းပၢင်ၵုမ်ၵၼ်ဢွၼ်တၢင်းၼႆႉသေဝၼ်းမိူဝ်ႈၼႆႉၸင်ႇလႆႈမီးသုၼ်ႇလႆႈၶၢဝ်းယၢမ်းသေ တၢင်ႇၼေပီႈၼွင်ႉၸိူဝ်းမုင်ႈမွင်း ၶႂ်ႈႁႂ်ႈမီးပၢင်သွၼ်ၼႆလႄႈ လုၵ်ႈႁဵၼ်းႁဝ်းမိူဝ်ႈလဵဝ်ၵေႃႈၼမ်
ၶႂ်ႈႁႂ်ႈမီးၶူးသွၼ်ပၼ်ၼႆလႄႈ ၸင်ႇလႆႈတူၵ်းယွၼ်းၼႂ်းပၢင်ၵုမ် ယၢမ်းလဵဝ်ဢမ်ႇမီးၼမ်လႄႈ မီးၵေႃႈသွင်ၵေႃႉၵူၺ်း ယၢပ်ႇၸႂ် လွင်ႈၶူးသွၼ်တႄႉ"ၶႃႈ လုၵ်ႈႁဵၼ်း မီး ႕႒ ၵေႃႉယူႇတီႈၶူးၵေႃႉလဵဝ်သေ
ၸင်ႇလႆႈၸိုၼ်ႇလုၵ်ႉ ၶၢတ်းၸႂ်သေ ၼင်ႇႁိုဝ်လုၵ်ႈႁဵၼ်းၶဝ်တေဢမ်ႇလႆႈၼႃႈလဵၵ်ႉၼႂ်းၵႄႈၵၢင်ပိူၼ်ႈ ၸဝ်ႈၶူးႁဝ်းၶႃႈ ဢဝ်ၼမ်ႉၸႂ်သေလုၵ်ႉပူၵ်းႁဝ်းၸိူဝ်းၼွၼ်းၾၼ် ၸိူဝ်းပႂ်ႇႁၼ်တီႈလႅင်း
ၸိူဝ်းတိုၵ်ႉၼူၵ်ႇတိုၵ်ႉတၼ်ယူႇၼၼ်ႉ ႁဝ်းႁႃးသမ်ႉတေၼွၼ်းၵူမ်ႁူမ်ႇၽႃႈယူႇတႄႉ ဢမ်ႇပဵၼ် မႃးလႄႈ --------------မႃးလႄႈ--------------
ႁဝ်းၸုင်ၸၼ်ၵၼ် ၶိုၼ်ႈယႂ်ႇ
မႃးလႄႈႁဝ်း ပၼ်တၢင်းႁူႉၵၼ်
မႃးလႄႈ ႁဝ်းႁွမ်းမိုဝ်းၵၼ်
မႃးလႄႈႁဝ်း ဢွၼ်ၵၼ်ပႆႁႂ်ႈႁၼ်တီႈလႅင်း ႁႂ်ႈႁွတ်ႈတီႈယိူင်းမၢႆႁဝ်းႁႃးတၢင်းသဵင်ႈ
ဢွၼ်တၢင်းသုတ်း ႁဝ်းၶႃႈတၢင်းသဵင်ႈ ယွၼ်းၵၼ်ႇတေႃးၽြႃး|တြႃး|သင်ႇၶႃႇ ၸဝ်ႈတၢင်းသၢမ်သေ ၸဝ်ႈၶူးလူင်ႁဝ်းၶႃႈ လူတ်းပွႆႇဝၢင်းၶႂၢင်ႉပၼ် သင်ႇသွၼ်ပၼ်ဢေႃးဝႃႇတ သေပိူတ်ႇပၢင်သွၼ်ၵႂႃႇမိူဝ်းဝၼ်းတီႈ 11.5.2013 ၶၢဝ်းယၢမ်း 90.00-10.15 ယဝ်ႉတူဝ်ႈလီငၢမ်းၵႂႃႇယဝ်ႉဢေႃႈ။
ၸဝ်ႈၶူးလူင် ႁဝ်းပၼ်ၶေႃႈၵႂၢမ်း ဢေႃးဝႃႇတ လွင်ႈ
ၼင်ႇႁိူဝ်လုၵ်ႈဢွၼ်ႁဝ်း ဝၼ်းမိူဝ်ႈၼႆႉတေဢမ်ႇပဵၼ်ၵူၼ်းပႅတ်ႈလၢႆ|တႃႇၵေႃႇသၢင်ႈ လွင်ႈၶိုၼ်ႈယႂ်ႇဝၼ်းမိူဝ်းၼႃႈ| ပၼ်ႁႅင်းလွင်ႈမႂ်ႇသုင် ယုၵ်ႉယွင်ႈၼမ်ႉၸႂ်ၶူးၵူႈၵေႃႉ ဢၼ်မႃးဝၼ်းမိူဝ်ႈၼႆႉလႄႈဝၼ်းမိူဝ်းၼႃႈ သင်ဝႃႈႁဝ်းဢမ်ႇႁဵတ်းဢမ်ႇသၢင်ႈ လုၵ်ႈဢွၼ်ႇႁဝ်းဝၼ်းမိူဝ်ႈၼႆႉ မိူဝ်းၼႃႈၵေႃႈလွင်ႈဝႃႈ ၶဝ်တေၶိုၼ်ႈယႂ်ႇႁင်းၵူၺ်းၼၼ်ႉဢမ်ႇပဵၼ်လႆႈ လုၵ်ႉတီႈၸဝ်ႈၵဝ်ႇမေႃလူ မေႃတူၺ်း ၾိင်ႈထုင်း မၼ်းသေ ၶၢတ်းၸႂ်ႁင်းၵူၺ်းဢဝ်ၸင်ႇလႆႈ ယွၼ်ႉၼၼ်လႄႈ ႁဝ်းၸဝ်ႈၶူးၵေႃႈ ၼင်ႇႁိုဝ်တေလႆႈမီးသုၼ်ႇလႆႈသုၼ်ႇပဵၼ် မိူၼ်ၵူၼ်းမိူင်းပိူၼ်ႈၼၼ်ႉ ၸင်ႇလႆႈသုၼ်းတုမ်သေႁႃမႃး ၶၢတ်းၸႂ်ဢဝ်ၼႃႈလုၵ်ႈႁဵၼ်းၶဝ် ၵူႈၵေႃႉ ပေႃးႁဵတ်းႁူႉလႆႈ ပေႃးႁဵၼ်းဢဝ်ႁူႉမေႃဢမ်ႇႁၢင်ႉ ႁဝ်းၸဝ်ႈၶူး ယုမ်ႇယမ်ဝႆႉၼင်ႇၼႆ
မေႃသွၼ်လူင် ႁဝ်းၶႃႈ မွၵ်ႇလၢတ်ႈ လွင်ႈယိူင်းဢၢၼ်း
ၼင်ႇႁိုဝ်ၵူၼ်းမိူင်းႁဝ်းၶႃႈ ပေႃးတေမုင်ႈႁၼ် လွင်ႈဝႃႈ ၶူင်းသၢင်ႈ လွင်ႈ (IT)ၼၼ်ႉမၼ်းၵႂၢင်ႈၶႂၢင်ၼႃႇလႄႈ ၼင်ႇႁိုဝ်ပေႃးတေ ပဵၼ်တူဝ်ထူပ်းလႆႈၼၼ်ႉ
ၸဝ်ႈၶူးလူင်ႁဝ်းၶႃႈ လႆႈၵဵပ်းႁွမ်တွမ်ၸူႉ ၶိူင်ႈ computer ၼိုင်ႈပီ သွင်လုၵ်ႈ သၢမ်လုၵ်ႈ ပူၼ်ႉမႃးလၢႆပီယဝ်ႉၵေႃႈ (ၶွမ်း) computer ႁဝ်းၶႃႈၸင်ႇမီးႁႃႈႁူၵ်းၶိူင်ႈၵူၺ်းလႄႈ
ဢမ်ႇၸၢင်ႈႁပ်ႉလုၵ်ႈႁဵၼ်းၼမ်လႆႈ ၼႂ်းပီ ၼႆႉလႆႈဝႃႈတိုဝ်ႉတၢင်းၵေႃႈပၼ်လႄႈ ဢိင်ၼိူဝ်ငၢဝ်းလၢႆးသေ မီးၸုမ်းၼေႃႇတႅၼ်းၶိူဝ်း "လုၵ်ႈႁၵ်ႉၼၢင်းယီႊသႅင်ၵေႃႇ" ႁဝ်းၶႃႈယူႇတီႈမိူင်းထႆးသေ
လူႇတၢၼ်းမႃး တႃႇလုၵ်ႈဢွၼ်ႇတႆးႁဝ်း ပေႃးတေလႆႈႁဵၼ်း computer ၼႆႉ "မၼ်းပွင်ႇဝႃႈသင် ပဵၼ်ၸိူင်ႉႁိုဝ်ဝႆႉ" ၼႆႉၵေႃႈ ဢဝ်ၵုင်ႇမုၼ်ၸွမ်း"လုၵ်ႈႁၵ်ႉၼၢင်းယီႊသႅင်ၵေႃႇ" တီႈမီးၸႂ်ႁၵ်ႉသႃ
ၸိူဝ်ႉၶိူဝ်း ၸဝ်ႈၵဝ်ႇသေလူႇတၢၼ်းမႃး ၵမ်းၼႆႉႁဝ်းၶႃႈမီးယဝ်ႉ computer တႃႇသွၼ်ယဝ်ႉ ၵူၺ်းၵႃႈ ပေႃးဢမ်ႇမီးၶူးၵေႃႈ ဢမ်ႇပဵၼ် ပေႃးဢမ်ႇမီးလုၵ်ႈႁဵၼ်းၵေႃႈဢမ်ႇၸၢင်ႈ တႃႇတေလႆႈသုၼ်ႇပဵၼ် ၼႆႉမၼ်းဢမ်ႇငၢႆႈ"
ဝၼ်းမိူဝ်ႈၼႆႉ
ၶွမ်း|ၶူးသွၼ်|လုၵ်ႈႁဵၼ်း ႁဝ်းမီးယဝ်ႉ ၶႂ်ႈႁႂ်ႈလုၵ်ႈႁဵၼ်း ၶဝ်ၶၢတ်းၸႂ် ႁဵၼ်းဢဝ်ထိုင်တီႈၽႂ်မၼ်းသေၵမ်း။
ၼႆႉပဵၼ်ၸုမ်းၼုမ်ႇႁၢႆးၸၢႆးယိင်းႁဝ်းၶဝ် မိူင်းပၼ်ႇ ၶိုၼ်ႈႁွတ်ႈ ပွႆးပိူတ်ႇပၢင်သွၼ် computer ငဝ်ႈပိုၼ်ႉၶၢမ်ႇလႄႈလွင်ႈ ပရူဝ်းၵႅမ်း မႄးၶႅပ်းႁၢင်ႈ မိူၼ်ၼင်ႇ Photoshop, ၶဝ်ၸႃႉၵႂႃႇၸိူဝ်းၼႆႉ ၼႂ်းၶၢဝ်းၼိုင်ႈလိူၼ်တဵမ်" သင်ဝႃႈသွၼ်ယဝ်ႉၵေႃႈ တေသိုပ်ႇသွၼ်ပၼ် ၸိူဝ်း Word,တတ်းတေႃႇ ငဝ်းတူင်ႉ ၶဝ်ၸိူဝ်းၼႆႉဢေႃႈ ၸိူဝ်းဢၼ်ႁဝ်းဢမ်ႇႁပ်ႉလႆႈထႅင်ႈလုၵ်ႈႁဵၼ်းၼၼ်ႉ ယွၼ်ႉ computer ႁဝ်းၶႃႈယူပ်ႈယွမ်းလႄႈ လွင်ႈၼႆႉ ၶႂၢင်းပၼ်ဢိတ်းၼိုင်ႈၶႃႈ
ၶၢဝ်းယၢမ်းသွၼ်တေမီး (႔) ၸုပ်ႈဢေႃႈ
ၵၢင်ၼႂ် ႙.႐႐-႑႑.႐႐ မူင်း
ဝၢႆးဝၼ်း ႐႑.႐႐-႓.00 မူင်း
တၢမ်းၶၢမ်ႈ ႐႔.႐႐-႐႖.႐႐ မူင်း
ၵၢင်ၶမ်ႈ ႐႖.႑႕-႐႘-႑႕ မူင်း
ၶူးသွၼ်
႑.ၸဝ်ႈၶူးထမ်ႇမ
မေႃသွၼ်
႑.မေႃသွၼ် ၸၢႆးၽဵဝ်ၶမ်း
႒.ၸၢႆးသိူဝ်ႁၢၼ်လႅင်း
႓.ၸၢႆးဢူၼ်ႈဢွၼ်ႇ
႔.ၸၢႆးၼွင်ႉဢွၼ်ႇ
ၼႆႉပဵၼ်ႁွင်ႈသွၼ် computer
ႁဝ်းၶႃႈမိူင်းပၼ်ႇ ဢေႃႈၶွမ်းႁဝ်းၶႃႈ ၵေႃႈ မိူဝ်ႈလဵဝ် မီးယူႇ(႑႐)လုၵ်ႈပၢႆ" ငိၼ်းၸူမ်းထိုင် ပီႈၼွင်ႉၸိူဝ်းလူႇမႃးပၼ် လုၵ်ႈႁဵၼ်း မိူင်းပၼ်ႇတၢင်းသဵင်ႈ ၼပ်ႉယၢမ် ၼမ်ႉၸႂ်သူၸဝ်ႈ ယႂ်ႇ"ၼမ်"သေၵမ်း မႂ်ႇသုင်တၢင်းသဵင်ႈၶႃႈ။
ပၼ်ဝႆႉတၢင်းႁၼ်ထုိင် တီႈၼႆၶႃႈ မီးလွင်ႈသင်ေၵႃႈ ေတၸွႆႈပၼ် ၸူိဝ်းဢၼ်ပဵၼ်လႆႈၼၼ်ႉထၢမ်ဝႆႉၶႃႈႄလႈ
ตอบลบ